جنرل قمر باجوہ نے پاکستانی فوج کی کمان جنرل عاصم منیر کے حوالے کر دی

خلاصہ

پاکستانی فوج کے سربراہ جنرل قمر جاوید باجوہ منگل کو اپنے عہدے سے سبکدوش ہو گئے ہیں۔

جنرل عاصم منیر نے نئے فوجی سربراہ کے طور پر فوج کی کمان سنبھال لی ہے۔

اعظم سواتی کا دو روزہ جسمانی ریمانڈ مکمل ہونے کے بعد ان کا مزید چار روز کا ریمانڈ دے دیا گیا ہے۔

تحریکِ انصاف کے مطابق پارٹی اجلاس میں پنجاب اور خیبر پختونخوا اسمبلیاں تحلیل کرنے کی توثیق کر دی گئی ہے۔

چوہدری پرویز الہٰی نے کہا ہے کہ اگر عمران خان نے اُنھیں اسمبلیاں توڑنے کا کہا تو وہ فوراً ایسا کر دیں گے۔

سابق وزیراعظم عمران خان نے پاکستان بھر سے اپنے کارکنان کو 26 نومبر کو راولپنڈی پہنچنے کی کال دے دی ہے۔ تحریک انصاف کے لانگ مارچ سے خطاب کرتے ہوئے عمران خان نے کہا وہ اگلے ہفتے خود بھی اس مارچ کا حصہ بن جائیں گے۔
وزیر خارجہ بلاول بھٹو زرداری نے ردعمل دیا ہے کہ اگر عمران خان کے اس احتجاج کا مقصد حقیقی آزادی یا جمہوریت ہے، تو پھر لانگ مارچ کے اعلان کرنے کا اسی ہفتے کا انتخاب کیوں کیا۔ ان کے مطابق اس کا مقصد آرمی چیف کے تقرر کے آئینی اور قانونی عمل کو متنازع بنانا اور اس پر سیاست کرنا ہے۔
اسلام آباد پولیس کے مطابق وفاقی دارالحکومت کے داخلی و خارجی راستوں پر سکیورٹی الرٹ کر دی گئی ہے۔ ’باڈی کیمروں سے امن عامہ کی صورتحال کے دوران ریکارڈنگ کی جائے گی۔‘
وزیر دفاع خواجہ آصف کے مطابق نئے آرمی چیف کی تقرری کا طریقہ کار پیر سے شروع ہو جائے گا۔

Accessibility links